يسعدلي مسـاكْ بكل أنواع الورد ..
منَـورين البقعه ، عســاك بخير .. !
كلمات جالت في خاطري ومــشــاعر احمـــلها ع كـــتفـــي لم أأتي بها من العدم اتساير معها لاعيش طعم المحبه
ابيـــات خطــيتــها ولا اعلـــم ما الهدف منها هل هي غيره شوق او ضيقه وحزن او مشاعر اخذها معي الي القـبر
تعبت أشكي تعبت أبكي تعبت أحكي مآسي الـــروح
قتلني الوقت بظروفه ذبحـــــــــني وجفف أنـــهاري
أخبي علّتي وأسكت وأنا في داخلي مـــــــــــذبوح
أجامل وأرسم الضحكة وأنا قلبي على نــــــــــاري
أحاول والله يعلم بي أداري دمعتي لا أبـــــــــــوح
أداري الجــــرح وأتجاهل عن اللي ينشد أخـــباري
أقول بخــــــير لكني جريحة وفي حشاي جــــروح
صداها لو دفنته يوم يبين سنـين بأنظـــــــــــــــاري
صرخت بحسرتي يكفي صرخت بصوتي المـبحوح
ألا يـــــــــــا وقت وش ذنبي عشان ألفيك بأعذاري
تبعثر حــــــــــــــلمي قدامي وغديت بدنيتي منزوح
وقفت ولا قــــــــــــدرت أجمع مغير مشتته أفكـاري
أمني النفس وأخدعها وأقــــــــول إن كربتي بتروح
وهي والله مولودة قدر فأرحــــــــــــــــــــام أقداري
قتيلة و البـــــــــــــــقا براسي في دنيا مابها مصلوح
قتيلة و القهر قاتل مـــــــــــــــــــــن اللي يأخذ بثاري
أنا ببقى ضحية وقت أعاني والعنــــــــــــا مجروح
دعيـــــــــــــت اللي خلق يرحم رجيته ربي الـبــــاري
أبي أسعد أنا بلحظة قبل نزعة توافي الـــــــــروح
قبل ما ارحل عن الدنـيا وأروح لآخر ديـــــــــــاري
أنا بأحمل صديد الجرح في بــــاقي وقتي المسموح
وإذا وافتني القدرة ترى هالبيت تذكـــــــــــــــــاري
رثاني دمعي الطــــــاهر في صمته مارضي بالنوح
رثتني قسوة الدنيا ورثتني حــــــــــــــتى أشعاري
وجزت اللي ذبح قلبي وعشتـــــــــه بالخفا مجروح
لجل ما ضعف بعين اللي نشدني كيفهـا أخــبــــاري
والله ثـــــم والله فيــــــني قهـــر كافـــر مكــبوح
اخـاف يجي يــوم مــــــا اقـــدر اصـبر مشاعري
يخون و يقــولي يافـهــــد انا في حبـــك ملفــوح
لعنـــبو الحب وهمــومه ان كان يتسلى مع غيـــري
وانا وي ربعــــــــي روحـــــــي وقلبي له تنوح
اتمنى انه ينال اعجابكم
القلب المهموم
موضوع: تعبت اشكي تعبت ابكي..... 
الجمعة مايو 15, 2009 4:53 am
